بيری واریميش، بيری يوخوموش. مئشه گؤيرچينی بير ياز گونو سو ايچمه يه گئتدی. گؤردو بير قاريشقا سويا دوشوب چاپالايير. گؤيرچين تئز قاريشقانين کؤمگينه گلدی. ديمديگينه بير يارپاق آليب سويا آتدی. آمما يارپاق قاريشقادان خئيلی اوزاغا دوشدو. چايين آخاری قاريشقانی خئيلی اوزاغا آپاردی. بو دفعه گؤيرچين جايناغينا چؤپ آليب اونو سويا آتدی. قاريشقا تئز چؤپه ديرماشدی. بئله ليکله، او اؤلومدن قورتاردی. ساهيله چيخاندا قاريشقا گؤيرچينه دئدی:

 -منی اؤلومدن قورتاردين. بير گون اولار، من ده سنه کؤمک ائدرم.

گؤيرچين قاريشقانين سؤزونه گولدو.

 -سن چوخ کيچيکسن، منه نئجه کؤمک ائده جکسن؟ 

گؤيرچين اوچوب گئتدی. همين واختدان خئيلی کئچدی. گؤيرچين آغاجين باشيندا يوواسيندا راحاتجا ياتميشدی. بير اووچو اونو چوخدان گودورموش. ايسته ييرميش، گؤيرچينی ياتديغی يئردن گؤتورسون. اونا گؤره آياق بارماغی نين اوجوندا آغاجا ياخينلاشدی. تتيگی چکمک ايسته ينده قاريشقا اووچونون بوينوندان برک ديشله دی. اووچو تتيگی چکسه ده، گؤيرچينی وورا بيلمه دی. توفنگين سسينه گؤيرچين اوياندی. قاريشقانی گؤردو، دئدی:

 -چوخ ساغ اول، دوست. ياخشيليغا ياخشيليق دئييبلر.