ملیحه عزیزپور

یونیوئرسیته ده اؤیرنجی اولدوغوم زامان" ایلک مکتب ده اوخویان، ایکی دیللی اوشاقلارین تحصیل پروبلئم لری" مووضوسوندا، بیر آراشدیرما ایشی آپاریردیق.

منیم ایشله دیییم مکتب، تبریزین" باهار" محله سینده اولان بیر قیز مدرسه سی ایدی. بوتون اشتراک ائدن اوشاقلار، اتفاغی اولاراق سئچیلیردیلر و اونلاردان سوروشولان سورولار، ایشین ایجابینا گؤره، فارسجا اولمالی ایدی.

اوچونجو صینیفدن بیر قیز اوشاغینین آدینی سسله یرکن، الینی قالدیریب، سئوینج ایله یانیما گلدی. اوشاغین بوتون حرکت لرینی، گؤز آلتینا آلمالی ایدیق. گؤردوم، دایانمادان گؤزونو قیرپیر. نده نی نی سوروشدوقدا، بئله جواب وئردی :

" خانوم موعللیم! وقتی که کوتاه بودم، مامانم یئر آلمه می برید، رفتم پیشش، بیردن پئچاق رفت تو چشمم، چشمم اینجوری شد."!!!