تولکو ایله دوه
تولکو ایله دوه
بیری وارایدی، بیری یوخویدو. بیر تولکو وارایدی. او دوه لرین دؤزوملو، حمیل اولدوغون بیلدیگی اوچون، قونشولوغوندا کی دوه یه گونده هده قورخو گلیب دئییردی: آی دوه سن یئرینده توز تورپاق سالیرسان باشقالارینا ضرر چاتدیریرسان گؤزله اؤزوندن موراعات اول یوخسا سنی توتوب جیریب یئیه جه گم. تولکو بو سؤزلرله باشقا بالا حئیوانلاری دا قورخودوب اونلارا دوشوندوروردو او یئکه لیکده دوه مندن قورخوربئله لیکده سیزده قورخمالی سیز. دوه اؤز ایچینده گولردی آمما حمیل اولدوغو اوچون بو سؤزلری سایماییب اؤز ایشینده اولاردی. بیرگون دوه تولکویه درس وئرمک اوچون گئدیب اونون یوواسینین یانیندا اؤلولر کیمی اوزانیب یاتدی. تولکو گلیب گؤردوکده اونو اؤلو سانیب قویروغون اونون قویروغونا باغلادی، چکیب مئشه لیک ده دولاندیرسین باشقا حئیوانلاری آرتیق قورخوتسون. قویروقلارینا نئچه برک دوگون ووراندان سونرا بیردن دوه دوروب یولا دوشدو تولکوایسه اونون قویروغوندان آسلاناقلی قالدی. دوه یئریدیکجه دیزلری تولکونون قارنینا توخونوردو.بونو گؤرن باشقا حئیوانلار ییغیشیب داللارینا دوشموشدولر بیر زامان سوووشدو؟
دوه: آی تولکو بئله گئدیرکن مقصدین هارادیر؟
تولکو یانیتلادی: بیز آغانین اته گیندن توتموشوق مقصد هارا اولورسا اولسون.
اوزون کوچه