بوتون آذربایجانین گؤزل و سئویملی بالالارینا کی آتالاری دوستاقدادیر

هاچان گله جکسن؟

آتیلا فضلی - فرزند مهندس محمود فضلی زندانی هویت طلب آذربایجانی

سلام آتا! نئجه سن؟ بو مکتوبو سنه یازیرام دئیم کی ایستیرم آنامنان کوسم. او گونده منه دئییر سن گله جکسن آما یئنه سن گلمی سن. دوننده یاتاندا دئدی یاتام صبح سن گله جکسن؛ آما یئنه گلمه دین. تازا آتا سن اؤزون دئمیشدین یالان دانیشما یاخشی ایش دئییر بس ندن آنام منه یالان دانیشیر؟ تئز گل آناما دئگینن یالان دانیشماسین.

آتا! دوغرو سن هارداسان؟ آنام هردنده دئییر گئدیب سن اوزاق بیر یئرده ایشلی یه سن و اوچ آی چکر گله سن. بیلمیرم کی شاید بونودا یالان دئییر.

آتا! گونده قاپی چالی ناندا تئز قاچیرام قاپینی آچام، دئییرم شاید سن اولاسان آما سن کی دئییرسن. اودو گونده من ییرمی یول قاپی آچیرام، ییرمی یولدا آغلی ییرام.

آتا! آنام دئییب ایر سنه مکتوب یازسام حتماً منه جاواب یازاسان اودور بو مکتوبو یازیرام دئیم تئز گل من چوخ سنه داریخمیشام. سن ایندیه کیمی هئچ بیر بئله منی تک قویمامیشدین. اولمویا من شلوغ ائله دیم سن ناراحات اولوب مندن کوسوب گئدیب سن. عیبی یوخ سنه قول وئریرم دای شلوغ ائله می یم بس دور گل.

آتا! لاپ دوزو بو مکتوبو دئدیم آنام یازا آخی من کی یازما باشارمیرام. بیرده آنام دئییر سن مدرسه یه گئتسنده یئنه ترکی یازا بیلمه یه جکسن. بیلمیرم ندن بو سؤزو دئییر! آما من اونا دئییرم مدرسه یه گئتسم سنه مکتوب یازا بیله رم تورکوده یازارام. آما او یئنه دئییر یازا بیلمه رم. منده هردن چیغیریرام دئییرم آتام ترکی دانیشار، دوستلارینادا ترکی مکتوب، اس ام اس یازار ایر من بو ایشی گؤرمه سم یانی ترکی یازا بیلمه سم آتام ناراحات اولار. من ایسته میرم سن ناراحات اولاسان... دای شلوغدا ائله می یه جم.

آتا! تئز گل قاباقدان دانیشاریق. آنامین ایشی وار، دای چوخ دئیه بیلمم او مکتوبو یازا اؤزوم یازما اؤرگشدیم سنه چوخ سؤزلر یازارام.

آتا!خداحافظ