قورولتایا چاغریش
یئر:تهران، بهشتی بیلی یوردو
چاغ: 1391/ اردیبهشت
اوزوموزه گلن ایلین ایکینجی آییندا بهشتی بیلییوردوندا چاغداش ادبیاتیمیز حاقدا بیر قورولتای کئچیریلهجک. بو قورولتای اساس آماجی چاغداش اؤیکوسل ادبیات، اوشاق ادبیاتی و چئویریمیزین پاتولوژیسیدیر. بو قورولتایا قاتیلماق ایستهین ادبیاتچی یولداشلاریمیزدان ایستهنیلیر فروردینین سونونا کیمی چیخیشلارینین اؤزهتینی قورولتایین یؤنتمنلیک قوروپونا گؤندرمکله آکادئمیک و بیلیمسل بیر اوتورومون کئچیریلمهسینده یؤنتمنلیک قوروپونا یاردیمچی اولسونلار.
آرتیرمالییق، یؤنتمنلیک قوروپو ارائه اولان مقالهلرین بیر توپلو بیچیمینده یایماسینی دوشونور.
قونولار:
چاغداش اؤیکوسل ادبیات
· سون ایللرده گلیشمهلر
· دیل آخساقلیقلاری
· یاپی آخساقلیقلاری
· فارس و تورکیه ادبیاتیندان ائتگیلندییمیز
· ادبی سوننتیمیزین ائتگیسی
· چیخار یوللاریمیز
· سون ایللرده باسیلمیش اؤیکولرین اوخونوش و آراشدیرماسی
اوشاق ادبیاتی
· سون ایللرده چیخان اوشاق کیتابلارینین آراشدیرماسی
· مئدیا اثرلر
· اوشاق دیلی و کاراکتئرلر
چئویری
· فارس و تورکیه ادبیاتیندان چئویرمک نهقدر گرکلی اولا بیلر؟
· سون ایللرده اولان چئویریلره بیر باخیش
· چئویرینین ادبی دیسکورسوموزون گلیشمهسینده اولان رولو
· ادبیاتیمیزین بو دوروموندا نه قدر اورژینال متنه صادیق قالماق اولار؟
آرتیق بیلگی اوچون بو دؤشرگهیه باخا بیلرسیز:
http://turkcemiz91.blogfa.com
سؤزون سونوندا مهندس توحیدسلیمانی جنابلارینا یورولماسین دئییب باشلادیقلاری بو بؤیوک ایشده اونلارا باشاریلار آرزیلاییریق.
اوزون کوچه