مدرسهدن گلنده
اؤيرنميشم اَليف ب ِ يي،
اوخويورام من هر شئيي،
بو بابادير، باخ بودا آب
بوآت بو ديش، بودا جوراب؛
اؤيرنميشم بخش ائتمهيي،
دئييرسنسه، دء هر نهيي.
اللريمله پارچالارام،
سسلريني من سايارام؛
سسلر ديَجَك قولاغيما
گتيرهرم بارماغيما.
آتام دئدي: «بو آلماني
بير پارچالا گؤروم هاني؟»
آلمالاري گؤرن چاغي
گتيرديم من تئز پيچاغي،
بونو گؤرجك آتام گولدو ،
گؤزلريندن ياش تؤكولدو؛
دئدي: قيزيم كیلاسدا سن
ائله بئله بخش ائديرسن؟!
اؤز يئريمده دايانديم من،
آتامدان برك اوتانديم من.
حبیب فرشباف- اوشاقلار باغچاسی
+ نوشته شده در دوشنبه چهارم آبان ۱۳۸۸ ساعت توسط تئل ناز زنگانلی
|
اوزون کوچه