یوسوف صمدی

مدرسه یاشیندان آشاغی اولان اوشاق لاردا، آز یئمک مسئله سی، چوخ گؤرونور. اوشاق یاشامی نین بیرینجی ایلینده سرعتله بؤیویوب و بیرایلین ایچینده اونون آغیرلیغی اوچ قاتا آرتیر. بو بؤیومه گه، چوخ یئمک گرک دیر.

اوشاق بیرینجی یاشینی کئچیرندن سونرا، بؤیومه گی نین، سرعتی آزالیر و چوخ یئمک داها لازیم اولمور. ائله اونا گؤره ده اشتهاسی آزالیر.

بو چتین لیگی حل ائتمک اوچون نئچه اؤنری ( پیشنهاد):

1- اوشاغا یئیه بیله جه گی قدر یئمک وئرین. عمومیت له بالغ اینسان غذاسی نین دؤرد ده بیری، بیر اوشاغا یئتر.

2- آز اندازه ده اوشاغا غذا وئرین. اوشاق اونو یئیندن سونرا سوروشون: گنه یئییرسن؟ یعنی قویون اؤزوغذا ایسته سین.

3- یئمه گین نوعونو و اندازه سینی اوشاقدان سوروشون. بیر شئی یئمه سه، هئچ مساله سی یوخ دور، بیرآزدان سونرا، آجیخاجاق.

    4- اوشاق ایله معامله ائتمه یین. مثلا دئمه یین، بو سبزینی یئسن، شوکولات وئررم. اصرار ایله «فقط بیر قاشیق یئی» دئمه یین.